網紅的藏寶箱平時出街前，我都會問老公。
「今日著咩衫呀？」
「我今日著成點呀？」
「拎咩袋好呀？襯唔襯㗎？」
原因梗係因為婚前我成日求其打扮，搞到佢有時都忍唔住問我「你呢套衫係發生咩事？」「你今日著得好...特別喎。」但以前唔係一齊住，我揀好衫又要send俾佢，又要等佢答嘅話，我寧願自己揀，起碼都死喺自己手上。幸而，婚後有個男人幫我check住個衣櫃，有時佢幫我揀咗啲衫，我都好感動😆懶得諗嘢嘅我照著就得，唔洗苦惱，唔洗煩，真係巧開心～
但今日趕住出門口，唔等老公起身就自己揀衫著上身。
出門前，老公起身，佢望咗我一眼。
「你今日著得幾好，呢個style好啱你。」
淡淡嘅一句，開心咗半日。
PS佢喺打扮方面會好直接，靚嘅唔會話醜，醜嘅唔會假讚，所以我慣咗俾佢踩，圖中去迪士尼嘅打扮都係我著咗上身，佢先話好似ok，玩完返屋企佢先話我其實著得幾有型。
#我今日其實打扮好簡單
#早知叫佢幫我影張相先出門口啦
#重點係佢仲未發現件tee係佢嘅🙈
#我今次威威啦 #著老公件衫
#boyfriendstyle #陣間有機會影張相俾大家睇
Search